Украйн дахь орос салан тусгаарлагчдын байгуулсан Донецкийн бүгд найрамдах улсын Ардын сэргийлэхийн тэргүүн Эдуард Басурин нь АНУ-ыг өөрсдийн химийн ба цөмийн хогийг Украйны нутаг руу их хэмжээгээр зөөж, Суми мужид булж байгаа тухай мэдэгдэл хийлээ. Суми нь Донецкийн бүгд найрамдах улстай ойр, Оросын хилийн дагуу байрладаг нутаг.
Америкийн химийн ба цөмийн хаягдлыг Украйнд хадгалах тухай гэрээг экс Ерөнхийлөгч Порошенко нь Америкийн Эрчим хүчний яамтай байгуулсан гэнэ. Гэрээний дагуу онц аюултай хаягдлыг хадгалах тусгай цэг байгуулахад америкчууд 100 сая орчим доллар гаргаж өгсөн ч экс Ерөнхийлөгчийн тойрон хүрээлэл нь мөнгийг хэдийн завшсан тул хаягдлын цэг орчмыг зохих хэмжээнд хадгалж, хянаж чадахгүй болсон гэлээ.
Сэтгэгдэл (0)
Сэтгэгдэл бичигдээгүй байна