Туркийн Ерөнхийлөгч Режеп Тайип Эрдоган Оросоос агаарын довтолгооноос хамгаалах С-400 цогцолбор худалдан авч байгаатай холбоотой элдэв яриаг эцэслэж байгаагаа мэдэгдлээ гэж “NTV” суваг дамжуулжээ. Эрдоган нь Анкара хотноо үг хэлэхдээ “Би Турк улс нь С-400-г худалдан авах гэж байна гэж хэлээгүй. Турк хэдийн худалдаад авчихсан гэж хэлье, энэ бол нэгэнт хийгдсэн наймаа” гэж мэдэгдсэн байна. Мөн аюулгүй байдлаа хангахын төлөө зэвсэглэл худалдаж авахдаа хэнээс ч зөвшөөрөл гуйхгүй гэжээ.
Оросууд долоодугаар сараас С-400-г Турк нийлүүлж эхэлнэ. Ингээд зогсохгүй Орос нь Турктэй хамтарч С-400-г үйлдвэрлэж эхлэх юм байна. Хоёр улсын хооронд байгуулсан гэрээ нь ийм нөхцөлтэй аж.Уг нь АНУ-ын агаарын довтолгооноос хамгаалах “Пэтриот” систем худалдан авах, цаашид өөрийн нутаг дээрээ үйлдвэрлэх зөвшөөрөл авахаар олон жил ээрсэн ч амжилтад хүрээгүй тул ийнхүү оросуудаас авсан аж.
АНУ нь Туркийн энэхүү алхамд ихэд уурласан бөгөөд С-400 –г худалдан авахаас нэн даруй татгалзахыг удааа дараалан шаардсан ч амжилтад хүрээгүй тул тавдахь үеийн F-35 сөнөөгч онгоо нийлүүлэхээ зогсоосон юм. Туркт нийлүүлэх онгоцуудыг Польшд худалдахаар болсон.
Сэтгэгдэл (0)
Сэтгэгдэл бичигдээгүй байна