Домогт Парисын дарь эхийн сүм шатсаны дараагаар Францын тэрбумтнууд сүмийг сэргээн завсарлахад олон зуун саяар нь мөнгө хандивлах болсноо зарлаж байсныг уншигч та лав санаж байгаа байх. Гэтэл тэрбумтнууд амласан мөнгөө огт өгөөгүй тухай “Bloomberg” мэдээлж байна.Түймрийн улмаас гэмтсэн сүмийг сэргээн засварлах буяны сангийн дансанд тэрбумтнуудаас ганц цент ч орж ирээгүй тухай бизнес ба сүм хийдийн төлөөллүүд мэдээлжээ.
Гэхдээ хандивласан мөнгийг яг юунд зарцуулах гээд байгаа нь ойлгомжгүй байгаа тул томоохон хөрөнгө оруулагчид мөнгө хандивлалгүй хүлээж байна гэсэн мэдээллийн Парисын дарь эхийн сүмийн хэвлэлийн албаны төлөөлөгч өгчээ. Хэрэв сүмийг сэргээн засварлах ажлын төлөвлөгөө эцэслэн батлагдвал хандивын мөнгөө шилжүүлж эхлэх аж.Одоогоор сүмийн засварт хандивлана гэж амлагдсан мөнгөний 10 хувь нь орж ирээд байгаа. Орж ирсэн мөнгөний 90 хувь нь АНУ-ын хандивлагчдынх байна.
Түймэр гарсны дараахан энэхүү алдарт сүмийг сэргээн босгон ажилд өгөхөөр амласан мөнгөний хэмжээ тэрбум гаруй евро болоод байсан. Тухайлбал, Францын Пино овогт гэр бүлийн тэрбумтнууд 100 саяыг амласан бол Арно овогт гэр бүлийнхэн 200 сая евро хандивлах болсноо албан ёсоор мэдэгдэж байсан юм.
Сэтгэгдэл (0)
Сэтгэгдэл бичигдээгүй байна