АНУ нь их хэмжээний хууль бус цагаач орж ирж байна гэсэн шалтгаанаар Сальвадор, Гондурас, Гватемал улсуудад үзүүлдэг тусламжаа зогсоож байгаа тухай Төрийн департаментын албан ёсны төлөөлөгч Морган Ортагус мэдэгдсэн байна.Тэрээр “Умардын гурвалжин гэж нэрлэгддэг эдгээр улсууд хууль бус цагаачлалаас сэргийлэх алхам хийж байгааг олж харах хүртэл тэдэнд зориулсан хөтөлбөрүүдээд шинээр хөрөнгө гаргаж өгөхгүй” гэжээ.
Ерөнхийлөгч Трамп нь энэ гурван улсад үзүүлдэг санхүүгийн тусламжийг зогсоох гэж байгаа талаар 2018 оны сүүлээр ярьж байсан нь ийнхүү биелж байгаа бололтой. Трамп нь АНУ-д амьдарч буй 12 сая орчим хууль бус цагаачдыг илрүүлээд албадан гаргах ёстой гэмт хэрэгтнүүд гэж үздэгээ нуудагггүй. Америк нь нэр гарсан гурван улсад нийт 500 сая орчим ам.долларын буцалтгүй тусламж үзүүлдэг байжээ. Үүнээс гадна Америкий цагаачлал ба хил хамгаалах алба хууль бус цагаачдыг албадан гаргах ажлаа эхэлж байгаа тухайд Трамп мэдэгджээ. Тэрээр “Twitter” дээрээ “ICE нь дараагийн долоо хоногоос Нэгдсэн улс руу нэвтрэх нүх сүв олсон сая сая хууль бус цагаачдыг албадан гаргах ажиллагааг эхэлнэ. Тэднийг ийшээ орж ирсэнтэй адил хурдан гаргана” гэжээ.
Сэтгэгдэл (0)
Сэтгэгдэл бичигдээгүй байна