Хятад нь 2018 онд хар тамхи, мансууруулах бодистой холбоотой 109,6 мянган хэрэг бүртгэгдэж, тэдгээрийн хүрээнд 67,9 тонн мансууруулах бодис хураан авсан тухай “Синьхуа” агентлаг мэдээлж байна.Эдгээр гэмт хэргийн хүрээнд сэжигтэн 137,4 мянгыг баривчилж, донтолттой хүн 279 мянгыг хордлого тайлах албадан эмчилгээнд явуулсан байна. Түүнчлэн сүүлийн үед тусгайлан өсвөр насны хүүхдүүдэд зориулсан мансууруулах бодисын төрөл бий болсон тухай Хятадын мансууруулах бодисын эргэлтийг хянах үндэсний комисс (CNNCC) анхааруулжээ.
Түүнчлэн Хятадын хууль хяналтын байгууллагууд сүүлийн үед эрчимтэй газар авч байгаа хар тамхины онлайн наймааг таслан зогсоох талаар өргөн хүрээтэй арга хэмжээ авах болсон байна. Тухайлбал, Хятадын хамгийн баян муж гэгддэг Жанши, хамгийн том хот Шанхайд цагдаа нар онлайнаар хар тамхи борлуулах ажиллагаа явуулж 2018 онд 2062 сэжигтнийг баривчилж, 257 кг мансууруулах бодис хураан авчээ.Хятадын эрх баригчдын авч байгаа энэ мэт арга хэмжээний үр дүнд 2018 хар тамхинд донтогчдын тооны өсөлт 2017 оныхоос 26,6 хувиар буурсан аж.
Сэтгэгдэл (0)
Сэтгэгдэл бичигдээгүй байна