ОХУ-ын Засгийн газрыг 2016 оны АНУ-ын Ерөнхийлөгчийн сонгуульд хөндлөнгөөс оролцон, үр дүнд нөлөөлсөн гэх зэмлэл нэг хэсэг намжаад байснаа 2020 оны Ерөнхийлөгчийн сонгуульд нэр дэвших кампанит ажил эхэлсэнтэй холбоотойгоор ахин сэргээд байна. Тухайлбал, Роберт Де Ниро, Лоуренс Фишборн, Мартин Шин гэх мэт Холливудын одууд, алдарт зохиолч Стивен Кинг, продюсер Роберт Райнер зэрэг Америкийн алдартнууд ОХУ-ыг Америкийн сонгуульд хөндлөнгөөс оролцсон, Трампыг оросуудтай хуйвалдсан гэж буруутгасан мэдэгдэл бүхий видео бичлэг тараасан байна. Видео бичлэгийг "NowThis" портал интернетээр тарааж.Алдартнууд өөрсдийнх нь мэдэгдлийг нотлох баримт болгон ОХУ-ын зүгээс Америкийн сонгуульд оролцсон гэх хэргийг мөрдөж байсан тусгай прокурор Роберт Мюллерийн илтгэлийг дурджээ. Мюллер нь мөрдлөгөөрөө Трампыг Москватай үгсэн хуйвалдсан, тусламж авсан гэх хөдөлшгүй нотлох баримт илрүүлээгүй ч Оросын Армийн тагнуулын алба Ардчилсан намын дотоод нууцыг "WikiLeaks" сайтад өгөх замаар дам нөлөөлсөн гэсэн дүгнэлт хийсэн билээ.Оросын тул Америкийн сонгуульд хөндлөнгөөс оролцсон гэх бүх мэдээллийг ямар ч үндэслэлгүй, зохиомол зүйл, сонгуулиар ялагдсан Ардчилсан намыг дэмжигч хүчнийхний явуулж байгаа улс төрийн тархи угаалт гэж мэдэгддэг.
Сэтгэгдэл (0)
Сэтгэгдэл бичигдээгүй байна