Вьетнамд Америкийн иргэн Майкл Фуонг Мин Нгуен гэгчид төрийн эргэлт хийхийг оролдсон хэргээр 12 жил хорих ял оноосон тухай "Reuters" агентлаг мэдээлж байна. 2018 оны зургаадугааар сард Вьетнамын Засгийн газар гадаадын иргэд түүний дотор хятадуудад 99 жилийн хугацаатай үл хөдлөх хөрөнгө эзэмших эрх өгөх Эдийн засгийн онцгой бүс байгуулах хууль батласны дараагаар тус улсын олон хотод эсэргүүцлийн жагсаал үймээн болсон. Энэ үймээнд Сингапураас түр ирээд байсан Майкл Фуонг Мин Нгуен оролцож байгаад баригдаж байсан аж.
Шүүх хурал дээр Майкл Фуонг Мин Нгуен нь гэмээ хүлээж, хорих жилийн тоог цөөлөхийг тангарагтнуудаас хүссэн тухай түүний өмгөөлөгч нь хэлжээ. Майкл Фуонг Мин Нгуен нь үймээнд идвэхтэй оролцон Ханой дахь Засгийн газрын байр руу шатах шингэнтэй лонх шидсэн, бусад вьетнамчуудыг үймээнд оролцохыг өдөөн турхирсан юм байна.
Сэтгэгдэл (0)
Сэтгэгдэл бичигдээгүй байна