Испаний төв ба хойд бүс нутагт их хэмжээний түймэр гарсны улмаас 10 мянга га талбайн ой мод шатаж устаад байгаа тухай "Синьхуа" агентлаг мэдээлж байна.
Испаний зүүн хойд хэсгийн Каталони өөртөө засах орны Таррагон мужид түймрийн улмаас 6 мянга га ойн мод шатаж, хамгийн ихээр хохироод байгаа аж. Ойн түймэр дөрвөн өдөр үргэлжилж байна. Түймрийг унтраах ажилд 350 гал сөнөөгч, нисдэг тэрэг оролцож байгаа. Түймрийг цурманд нь оруулсан талаар Каталони мужийн гал унтраах алба өчигдөр мэдээлсэн. Испаний бусад нутгаар түймэр 500-2000 га ойн мод устаад байна.
Энэ их түймэр хэт халуунаас болж гарч байгааг мэргэжилтнүүд онцолжээ. Сүүлийн өдрүүдэд Таррагон болон бусад нутагт агаарын дулаан 42 градусаас даваад байгаа юм.
Сэтгэгдэл (0)
Сэтгэгдэл бичигдээгүй байна