31 жиийн тэртээ Персийн буланд америкчуудын унагсан "Airbus" онгоцны 290 зорчигчийн дурсгалыг хүндэтгэх ёслол Иранд болсон тухай "Associated Press" мэдээлэв.Амь үрэгдэгсдийн төрөл төрөгсөд ньпуужинд оногдсон онгоц Персийн булангийн усанд унасан хэсэгт цэцэг өргөж дурсгалыг хүндэтгэсэн байна.Энэхүү эмгэнэлт үйл явдалтай холбоотойгоор Ираны Гадаад харилцааны сайд Мохаммад Жавад Зариф "Тwitter" хуудсан дээрээ "Ираны эсрэг АНУ-ын түрэмгийлэл Трампаас өмнө эхэлсэн" гэж бичжээ.
1988 оны долоодугаар сарын 3-нд Тегеран – Бендер – Аббас – Дубай чиглэлээр Персийн булан дээгүүр нисч явсан "Iran Air"компанийн "Airbus A300B2-203" зорчигч тээврийн онгоцыг агаарт хөөрснөөс 7 минутын дараа Америкийн "Vincennes" байлдааны усан онгоц пуужин харван унагасан юм. Энэхүү сүйрлийн улмаас онгоцонд зорчигч 290 хүн амиа алдсан. Тухайн үеийн Амеркийн эрх баригчид зорчигч тээврийн онгоцыг локаторт Ираны Цэргийн нисэх хүчний "F-14" сөнөөгч онгоцтой адил харагдсан учир ташаарч оносон гэж тайлбарлаж байв. Иран нь энэ хэргийг НҮБ-ын Олон улсын шүүхэд өгөхөд америкчууд шүүхээс гадуур тохиролцоо хийн амь үрэгдсэн хөдөлмөрийн чадвартай хүн болгоны ар гэрт 300 мянган доллар, тэжээлгэгч хүн бүрийн ар гэрт 150 мянган доллар төлснөөр асуудлыг шийдсэнд тооцсон байдаг. Америк нь Иранаас албан ёсны уучлал гуйхаас татгалзсан байдаг. Тухайн үед дэд Ерөнхийлөгч байсан эцэг Жорж Буш "Ямар ч баримт байлаа гээд би АНУ-ын өмнөөс хэзээ ч уучлалт гуйхгүй" гэж хэлж байжээ.
Сэтгэгдэл (0)
Сэтгэгдэл бичигдээгүй байна