Чехийн эрх баригчид цөмийн эрчим хүчний салбараа хөгжүүлэхэд багагүй хөрөнгө оруулалт хийхээр шийдсэн тухай "DW" агентлаг мэдээлж байна. Тус улсын шадар сайд, Аж үйлдвэрлэл ба худалдааны яамны сайд Карел Гавличек нь үндэсний ТВ –ээр үг хэлэхдээ "Цөмийн эрчим хүчийг хөгжүүлэхээс өөр зам гэж үгүй" гэж мэдэгдсэн байна.
Чехийн эрчим хүчний хэрэгцээг нөхөн сэргээгдэх эх үүсвэрүүдээр бүрэн хангана гэсэн яриа нь эдийн засаг, газар зүй болон техникийн үүднээс ямар ч утгагүй зүйл гэдгийг Карел Гавличек онцолжээ. Тэрээр сэргээгддэг эрчим хүчний салбартаа Европт тэргүүлж байгаа Герман улсыг "Маш баян улс болохоор ийм хөрөнгө оруулалт хийж чадаад байна" гэж.
Чехийн Засгийн газар нь"Темелин" ба "Дукованы" гэдэг хоёр цөмийн цахилгаан станцидаа эрчим хүчний шинэ блок нэмж байгуулах зорилгоор хоёр ч компани байгуулсан байна. Улмаар цөмийн эрчим хүчийг хөгжүүлэх хөтөлбөрийн хүрээнд энэ хоёр компаниар дамжуулан зээл авахад баталгаа гаргаж өгөхөөр болсон. Нэр дурдагдсан цөмийн цахилгаан станцууд дээр цөмийн нэмэлт блок барихад Өмнөд Солонгосын "KHNP", Оросын "Росатом" компаниуд оролцох сонирхолтой байгаагаа илэрхийлжээ. Цөмийн блок барих хөтөлбөрийн үнэ ойролцоогоор 10 тэрбум евро.
Сэтгэгдэл (0)
Сэтгэгдэл бичигдээгүй байна