Өнгөрсөн зургаадугаар сарын 30-ны өдөр Хилийн цэргийн 0184-р ангийн Дөрөвдүгээр заставт алба хааж байсан байлдагч амиа алдсан хэрэг гарсан.
Цэргийн ангийн удирдлагуудын зүгээс талийгаачийг "амиа егүүтгэсэн" хэмээн ар гэрийнхэнд нь мэдээлээд байгаа юм. Тэгвэл тус заставын дарга н.Даваадоржийг үүрэгт ажлаас нь чөлөөлж, оронд нь өөр хүн томилжээ.
Талийгаач цэргийн ар гэрээс манай сурвалжлах баг сурвалжилга бэлтгэн үзэгчиддээ хүргэсэн. Талийгаачийн ах Г.Буянжаргал мөн л тус ангид алба хаасан бөгөөд н.Даваадорж гэж дарга "Бусдыг байнга дарамталж, юу таарснаараа цохиж зоддог байсан" хэмээн манай сурвалжлагад ярьсан байдаг. Олон хүний анхааралд орсон энэ хэрэг цагдаагийн байгууллагад шалгагдаж байгаа. Ар гэрийнх нь зүгээс талийгаачийн бие дэх олон шарх сорвийг үндэслэн "гадны нөлөөтэй амиа алдсан" хэмээн хардаж байгаа юм.
2019 он гарсаар цэргийн дөрвөн алба хаагч амиа алдаад байна. Энх цагт цэрэг эрсдэхэд заставын дарга, ангийн захирагч нар албан тушалаасаа чөлөөлөгдөөд өнгөрдөг байж болохгүй. Энэ салбарт хариуцлагыг дээшлүүлэх, өөрчлөлт шинэчлэлт хийх шаардлага байгаа юм. Бид энэ хэргийн талаар болоод Хил хамгаалах, Батлан хамгаалах салбарын өөрчлөлтийг шаардан сурвалжилсаар байх болно.
Сэтгэгдэл (0)
Сэтгэгдэл бичигдээгүй байна