Индонезийн Баруун Ява мужид ижил хүйстэн хоригдлуудыг "бусдад ижил хүйстнээ сонирхох халдвар тараахаас сэргийлэх" гэсэн тайлбартайгаар бусдаас тусгаарлан хорьж байх шийдвэр гаргасан тухай "Coconuts Jakarta" мэдээлжээ.
Индонези нь лалын шашинт улс тул ижил хүйстэн хоорондын бэлгийн харилцааг хүлээн зөвшөөрдөггүй, хатуу шийтгэл ногдуулдаг. Ингээд зогсохгүй ижил хүйстэнээ сонирхохыг бусдад халдвартай өвчин эмгэг гэсэн бодол нийгэмд нь түгээмэл.
Баруун Ява мужийн хорих газрууд нь 15 мянган хүн багтаах тооцоотой ч 23 мянган хүн хоригдож байгаа тул ийм шийдвэр гаргах болсон байна. Тус муж дахь хууль зүйн яамны төлөөлөгч нь "Хорих газруудад хэт олон хүн байгаагаас тэд хөл, гараараа шүргэлцэн гомо, лесби хүмүүс олширч байна. Тэднийг цаашид хэвийн хоригдлуудаас ялган эмнэлгийн тусгаарлах өрөөнд байлгана. Ингэснээр тэднийг биологийн хэрэгцээгээ хангах боломжгүй болгож, бэлгийн чиг хандлага алдагдах үзэгдэл цаашид тархахгүй" гэжээ.
Индонезийн энэ байр суурийг хүний эрхийг хамгаалагчид хүчтэй шүүмжилдэг.
Сэтгэгдэл (0)
Сэтгэгдэл бичигдээгүй байна