Төвд дэх Хятадын Засгийн газрын төлөөлөгч нь Далай ламын дараагийн дүрийг зөвхөн Хятадад тодруулах ёстой гэж мэдэгдсэн тухай Энэтхэгийн "Жагран" мэдээллийн агентлаг уламжилжээ.
Бээжингийн төлөөлөгч нь сэтгүүлчдэд "Төвөдийн ард түмний оюун санааны удирдагчийг тодруулах явдал нь түүх, шашин ба улс төрийн үйл явц юм. Энэхүү үйл явцыг хэрэгжүүлэх түүхэн институтууд, мөрддөг дэг жаяг гэж бий" гэж мэдэгджээ. Улмаар Далай ламын дараагийн дүрийг Хятадын Засгийн газраас сайшаан, хүлээн зөвшөөрсөн байх ёстой гэсэн аж. Хятадад тодруулсан Далай ламын дараагийн дүрийг Энэтхэг хүлээн зөвшөөрөхгүй байх нь хоёр улсын харилцаааны эмзэг асуудал болж хувирна хэмээн анхааруулсан байна.
Далай ламын нас сүүдэр 84 хүрч байгаатай холбогдуулан Хятад нь дээрхийн гэгээнтний дараагийн дүрийг тодруулах асуудлыг ойр ойрхон сөхдөг болоод байгаа аж.
Сэтгэгдэл (0)
Сэтгэгдэл бичигдээгүй байна