НҮБ нь дэлхийн хэмжээнд ДОХ-той тэмцэхэд хөрөнгө мөнгөний дутагдалд ороод байгаа тухай "UNAIDS" байгууллагаа мэдэгджээ.
"UNAIDS"-аас гаргасан илтгэлд лэлхийн хэмжээнд ДОХ-той тэмцэхэд зориулан гаргасан хөрөнгийн хэмжээ анх удаа 1 тэрбум доллараар багассан гэж дурдсан байна. Донор орнуудын зүгээс энэ зорилгоор гаргадаг хөрөнгийн хэмжээ багассан, харин дотоодын хөрөнгө оруулалт нь инфляцыг нөхөхөд хүрэлцэхгүй байсан тул ийм байдал үүсчээ.
2018 онд ДОХ-той тэмцэхэд нийт 19 тэрбум доллар гаргасан нь 2020 онд шаардлагатай болох 26,2 тэрбум доллараас хавьгүй бага тоо юм. Иймд "UNAIDS" байгууллагад нь дэлхийн нийтэд хандан "ДОХ-той явуулж байгаа тэмцлийг цаашид ч амжилттай байлгахын тулд бүх хамтрагчиддаа үйл ажиллагаагаа идэвхжүүлж, ДОХ-той Тэмцэх глобал сангбүрэн санхүүжүүлэх арга хэмжээ авч, хөрөнгө мөнгө илүүтэй зарцуулахыг уриалж байнна" гэсэн уриалга гаргажээ.
2018 онд ДОХ-ын халдвар авсан тохиолдлын тоо 1,7 сая хүрсэн. Төв Ази дахь ДОХ/ХДХВ-ийн шинэ халдварын тохиолдол 19 хувиар өсчээ.
Сэтгэгдэл (0)
Сэтгэгдэл бичигдээгүй байна