Америкийн дуучин Мадонна "Instagram" хуудсан дээрээ хар арьст өргөмөл хүүхдүүдийнхээ зургийг тарвастай хамт аваад интернет хэрэглэгчдийн уур хилэнг хөдөлгөжээ.
Мадонна нь Эстер ба Стелла нэртэй ихрүүдийнхээ зургийг хуудсан дээрээ тавихдаа гартаа хэсэг тарвасыг барьсан байсан нь ингэж шүүмжлүүлэх шалтаг болжээ. Түүний зургийг хүмүүс хар арьстанууд тарвас идэх илүү дуртай гэсэн төөрөгдлийг дэвэргэсэн, арьсны өнгөөр ялгаварлан гадуурхах үзэл бүхий зураг авлаа гэж хүчтэй шүүмжилжээ.
Үүнээс өмнө дуучин Пинкийг Дэлхийн хоёрдугаар дайны үеэр амиа алдсан еврейчүүдийн дурсгалын цогцолбор хүүхдүүд нь гүйлдэж байгаа зургаа интернетэд байршуулсны дараагаар олон хэрэглэгч түүнийг шүүмжилсэн. Хариуд нь Пинк өөрийгөө болон хүүхдүүдийгээ еврей үндэстэн болохыг хэлээд, уур хилэнгээ дарахыг зөвлөж байсан юм.
Сэтгэгдэл (0)
Сэтгэгдэл бичигдээгүй байна