Туркмений Ерөнхийлөгч Гурбангулы Бердымухамедовыг нас барсан тухай мэдээ цацаж, дуулиан тарьсан улс төрч судлаач Аслан Рубаев "Facebook" хуудсаараа дамжуулан уучлал гуйсан тухай "Лента. ру" сайт мэдээлж байна.
Тэрээр "Ерөнхийлөгчийн ар гэр, ойр дотных хүмүүс болон Туркменистаны бүх иргэдээс хүлцэл өчье" гэж бичсэн байна. Туркменистаны нийслэл Ашхабадад амьдардаг бизнесийн хүрээллийн хүмүүсээс авсан мэдээлэл нь худал байсан тул ташаа мэдээ тараасан гэж тайлбарлажээ. Тэрээр "Би үнэхээр зөв мэдээлэл биз гэж асуухад тусгай албадад ажилладаг танилууд нь тэгэж хэлсэн, амралтаа авсны дараа тийм юм болсон гэнэ" гэж хэлсэн гэжээ.
Харин Туркменистан улсын Москва дахь Элчин сайдын яам Ерөнхийлөгч нь нас барсан тухай мэдээлэл 100 хувь худал гэсэн.Харин Туркменистаны элитүүдэд ойр байдаг эх сурвалж "Лента.ру" сайтад хэлэхдээ "Ерөнхийлөгч нас бараагүй, харин арваад өдрийн турш хэвтэрт, хүнд байгаа ээжийгээ эргэхээр Герман руу ниссэн" гэж хэлсэн байна.Туркменистан нь шатдаг хийгээр тун баялаг бөгөөд тус улсын шатдаг хийг Каспийн тэнгисээр тавьсан хоолойгоор, Оросын нутгийг тойруулан Европ руу нийлүүлдэг болгохоор тохиролцсон тухай яриа гараад байсан үед энэ мэдээ цацагдсан.
Сэтгэгдэл (0)
Сэтгэгдэл бичигдээгүй байна