Массачусетсийн технологийн их сургуулийн профессор Шейн Фредерик нь математикийн гуравхан асуултаас бүрдсэн IQ түвшин тодорхойлох хамгийн богино тест бүтээсэн тухай "Mirror" мэдээлж байна.
Энэхүү тестийг 2005 онд зохиосон хэдий ч интернетэд саяхан байршуулсан аж. Фредерик нь янз бүрийн салбарт ажилладаг, боловсролын янз бүрийн түвшинтэй 3000 хүнд энэхүү тестийн асуултад хариулахыг санал болгоход оролцогчдын ердөө 17 хувь нь л гурван асуултад бүгдэд нь зөв хариулж байжээ.
Сонжооны асуултуудыг бодолтыг нь тайлбарлаад өгөхөөр их хялбар мэт санагддаг ч биеэ даан бодохдоо хамгийн түрүүн санаанд орж ирдэг тоонд хөтлөгдөлгүй бодох ёстой гэдгээрээ хүнд гэжээ. Тус сонжооны гурван асуултыг дурдъя.
Үүнд:
1.Теннисний цохиур ба бөмбөг хоёрын нийлсэн үнэ 1,10 доллар. Цохиур нь бөмбөгнөөс 1 доллараар үнэтэй. Бөмбөг ямар үнэтэй вэ?
2.Үйлдвэрийн нэхмэлийн таван машинаар таван эд зүйл бэлдэхэд таван минут шаардлагатай. Зуун нэхмэлийн машинаар 100 эд зүйл бэлдэхэд хэдэн минут шаардлагатай вэ?
3.Цөөрөмд хонхон цэцэг ургадаг. Тэдний тоо нь өдөр болгон хоёр дахин нэмэгддэг. Цөөрмийн гадаргыг хонхон цэцгээр битүү дүүргэхэд 48 хоногт хэрэгтэй бол тал хэсгийг нь бүрхэхэд хэдэн өдөр шаардлагатай вэ?
Ингэхэд 10 цент, 100 минут ба 24 өдөр гэсэн хариулт хамгийн түгээмэл байдаг ч бүгд буруу юм. Профессорын Шейн Фредерикийн тодруулж байгаагаар 10 цент биш гэж хариулсан хүн бүр үнэн хэрэг дээрээ зөв хариулт өгсөнд тооцож болох аж. Зөв хариултууд нь, 5 цент, 5 минут, 47 өдөр.
Сэтгэгдэл (0)
Сэтгэгдэл бичигдээгүй байна