Испанийн зоогийн газар хоол идээд төлбөрөө хийхээс татгалзсан итали жуулчин 6 жил хорих ял авсан тухай "РИА" мэдээлж байна.Итали жуулчин нь Испанийн Форментер дэх зоогийн газраар ороод хясаатай шөл, хавчтай паст, шарсан далайн загас гээд хамгийн үнэтэй хоолнуудыг сонгон захиалжээ. Харин зөөгч 400 гаруй еврогийн тооцооны хуудас авчирч өгөхөд мөнгө байхгүй гэдгээ хэлсэн байна. Зоогийн газрынхан Иргэний гвардийн эргүүл дуудан зөрчил гаргасан жуулчныг хүлээлгэн өгч.
Гэтэл Испанийн хуулиар 400 евро хүртэлх хохирол учруулсан хэргийг ялихгүй тооцдог бөгөөд ийм хэргийн эзэнд хамгийн ихдээ л 1-3 сар хорих ял оноодог. Харин 400 ба түүнээс дээш еврогийн хохирол учруулсан тохиолдолд хагас жилээс 3 жил хүртэл хорих ял оноодог. Түүнчлэн мөнгө төлөөгүй жуулчин нь энэ мэт хэрэг удаа дараалан гаргасан давтан хэрэгтэн болохыг нь тогтоогдсон тул түүнд 6 жил хорих ял оноожээ.
Сэтгэгдэл (0)
Сэтгэгдэл бичигдээгүй байна