Америкийн Умард Каролина мужийн Хендерсон хотод амьдардаг хүн нохойнхоо ачаар сугалаа худалдан авсан тулдаа за дайрч 1 сая долларын эзэн болсон тухай "UPI" мэдээлж байна.Мойсе Дуарте нь долоодугаар сарын 20-нд шицу үүлдрийн нохойгоо өөр хотод байдаг эгчийндээ хүргэж өгөхөөр явж байхдаа "Buy Quick Food Mart" дэлгүүрээр түр орсон байна. Тийшээ орсон хойноо гэнэт азаа үзэхээр шийдээд "Red Hot Million" сугалааны тасалбарыг 10 доллараар авсан нь түүнд 1 жек пот авчирчээ.
Тэрээр энэ тухайд "Би шагналын хэмжээг хараад нүдэндээ ч итгээгүй. Нэг цэг рүү гөлрөөд гацчихсан" гэсэн байна. Дуарте нь нохойнхоо ачаар саятан болсон гэдгээ онцлоод "Нохойгоо эгчийнх рүүгээ зөөж яваагүй бол сугалааны тасалбар хэзээ ч худалдаж авахгүй байлаа" гэсэн байна.2018 онд Орегон мужийн Венето хотод амьдардаг эмэгтэй ням гараг болгон нохойнуудтайгаа салхилж явдаг зуршлынхаа ачаар сугалаанаас 70 мянган доллар хожиж байжээ.
Сэтгэгдэл (0)
Сэтгэгдэл бичигдээгүй байна