Турк улсын Эрчим хүч, байгалийн баялагийн сайд Фатих Донмез нь баригдаж байгаа "Аккую" цөмийн цахилгаан станцыг Оросын "Росатом"-ын тэргүүн А.Лихачевын хамт үзэж сонирхсон тухай "AnadoluAjansı" мэдээлжээ. Сайд нь цөмийн цахилгаан станцыг угсралтын ажилтай танилцаад "Барилга угсралтын ажилд төлөвлөгөөний дагуу явагдаж байна. Бид эхний блокийг 2023 онд, Турк улс байгуулагдсаны 100 жилийн ойгоор ашиглалтад оруулах төлөвлөгөөтэй байгаа. Цөмийн цахилгаан станцын шавыг 2018 оны дөрөвдүгээр сарын 18-нд тавьж байсан бол одоо барилгын ажил ихээхэн ахицтай явна. Цөмийн цахилгаан станцыг барих бүх ажил МАГАТЭ-ийн шаардлагыг хатуу баримтлан хийгдэж байгаа. Аюулгүй байдлын хамгийн сүүлийн үеийн системийг энэ цөмийн цахилгаан станцад суурилуулна" гэжээ. Харин барилгын ажлыг гүйцэтгэж байгаа Оросын "Росатом" компанийн тэргүүн Лихачёв нь бүх ажлыг Ерөнхийлөгч Эрдоганд амалсанчлан Туркийн компаниудын хамгийн өргөн оролцоотой гүйцэтгэж байгааг онцолсон байна.
Сэтгэгдэл (0)
Сэтгэгдэл бичигдээгүй байна