Газрын дундад тэнгист хууль бус цагаачдын зөөж явсан усан онгоц сүйрсний дараагаар 150 хүн сураггүй алга болоод байгаа тухай "Associated Press" агентлаг мэдээлж байна.НҮБ-аас тараасан мэдээгээр Ливийн эргийн дагуу, Триполи хотоос 120 км-ийн алсад хөвж явсан хоёр моторт завь осолджээ. Хоёр завин дээр 300 орчим хүн сууж явснаас 147-г нь аварч чадсан байна.
Үүнтэй холбогдуулан НҮБ-ын Дүрвэгсдийн хэрэг хариуцсан Дээд комиссар Филиппо Гранди нь "Дөнгөж саяхан Газрын дунд тэнгис дэх энэ жилийн хамгийн таагүй эмгэнэлт явдал боллоо" гэж мэдэгдсэн байна.Ливи болон дайны хөлд нэрвэгдсэн Хойд Африкийн улсуудын цагаачид Европын холбоо руу Италиар дамжин нэвтрэхийн тулд хийц, даац муутай усан онгоцонд олноор чихэлдэн сууж Газрын дундад тэнгисийг гатлан амь өрссөн аялал хийдэг нь сүүлийн жилүүдэд бараг хэвийн үзэгдэл болоод байгаа. Дүрвэгчдийг зөөдөг усан онгоцнууд дийлэнхдээ хуучирч муудсан байдаг тул энэ мэт осол маш их гардаг.
Сэтгэгдэл (0)
Сэтгэгдэл бичигдээгүй байна