Америкийн Алабама мужийн Дотан хот дахь эзэнгүй амьтдын асрамжийн газар питбуль үүлдрийн хоёр нохой торноос мултран 29 муур алсан тухай "WTVY"мэдээлсэн байна.
Тус асрамжийн газрын дарга Билл Бэнксийн хэлж байгаагаар тоног төхөөрөмж нь хуучирсан тул хэрцгий догшноороо зартай питбулиуд тусгаарлах торноос мултарсан аж. Ноход торыг бэхэлсэн төмрийн түлхэн унагаад чөлөөтэй болсны дараа тус асрамжийн газар байсан муурнууд руу дайрсан нь ийм таагүй үр дагаварт хүргэжээ. Энэ хэргийн дараа асрамжийг газрыг сайжруулж, шинэ тор, хамгаалах хэрэгслээр тоноглох ажилд Дотан хотын захиргаа оролцон зардлын зарим хэсгийг гаргах хэрэгтэй гэж цадаагийн комиссар Бэт Кенвард мэдэгдсэн байна.Олон муурын аминд хүрсэн питбуль үүлдрийн нохдыг цаашид хэрхэн талаар асрамжийн газрын удирдлага хараахан шийдвэр гаргаагүй байгаа гэнэ.
Питбуль үүлдрийг анхнаасаа тулааны зорилгоор гарган авсан тул бусад үүлдрийн нохой мөн муур зэрэг жижиг амьтад руу дайрах нь хэвийн үзэгдэл. Хүчирхэг, өвдөлт даах чадвар сайтай энэ үүлдрийн нохдыг буруу сургавал тун аюултай тул Европын зарим оронд энэ үүлдрийн нохойг хүйтэн зэвсэг эзэмшихтэй адилтган үздэг. Улмаар тэжээхийн тулд эзэд нь тусгай зөвшөөрөл худалдан авч, нохой сургах тусгай сургалтад заавал хамрагдсан байх ёстой байдаг аж.
Сэтгэгдэл (0)
Сэтгэгдэл бичигдээгүй байна