Жейден Эшмэн гэгч 15 настай хүү кибер спортын тэмцээнд оролцоод 1,125 сая доллар хожсон тухай "Daily Mail" мэдээлж байна. Эшмен нь Нью-Йорк хотноо явагдсан "Fortnite" тоглоомын уралдаанд найз Дэйв Йонгийн хамт оролцоод хамтдаа 2,25 сая доллар хожсон аж.
Эшмений ээж нь хүүгээ байнга "Fortnite" тоглож, уурыг нь их хүргэдэг байсан тухай сэтгүүлчдэд ярьсан байна. Нэг удаа уурлахдаа тоглоомыг нь эвдэж орхисон аж. Гэвч хүү уйгагүй тоглосоор ийнхүү тэмцээнд оролцон өндөр үр дүн үзүүлсэнд сэтгэл хангалуун байгаа. Тэрээр "Ямар ч байсан амьдралынхаа туршид гэртээ дуудлагын хоол захиалж идэхэд хангалттай мөнгөтэй боллоо. Гэртээ зүгээр суугаад тоглоом тоглох нь Жейдений хийж чаддаг ганц зүйл" гэжээ. Гэхдээ хүү нь хожсон мөнгөө дэмий зүйл авч тансаглалгүйгээр, бага багаар ухаалгаар зарцуулахад анхаарал тавьна гэсэн байна.
Сэтгэгдэл (0)
Сэтгэгдэл бичигдээгүй байна