Америкийн Миссури мужийн Сент Луис хотод амьдарч байсан эмэгтэй хөргөгчийнхөө хөлдөөгчид нярай хүүхдийн цогцсыг 37 жил хадгалж байсан нь илэрсэн тухай "Washington Post" сонин мэдээлсэн байна.
Адам Смит гэгч 37 настай эрэгтэй эхийгээ нас барсны дараа гэртээ цэвэрлэгээ хийж байгаа хөлдөөгчөөсөө жижигхэн цаасан хайрцаг олоод нээж үзтэл ягаан өнгийн алчуурт боосон нялх хүүхдийн цогцос олж ихэд цочирджээ. Тэр даруй цогцсыг буцааж хийгээд цагдаагийн газар мэдэгдсэн байна. Цагдаа нар задлан шинжилгээ хийж, ДНХ-г тодорхойлоод хайрцгаас гарч ирсэн цогцос Адамтай төрлийн холбоотой байсан эсэхийг тодруулахаар болсон байна.
Адам Смит нь энэ талаар "Би 37 настай. Миний л мэдэхээр энэ хайрцаг хөлдөөгч дотор ямагт байж л байдаг байсан. Ээж хайрцаг дотор хуримын бялууны чимэгийг дурсгал болгон хадгалдаг гэж ярьдаг байсан юм. Хайрцгийг задлахад цогцосноо арьс, үс нь үлдээд муми болцсон байсан" гэжээ. Ээж нь заримдаа амьгүй төрсөн хүүхдийн талаар ярьдаг байсан бол хамаатнууд нь ээж нь ихэр хүүхэд төрүүлээд нэгийг нь үрчлүүлж, нөгөөхийг амьгүй төрсөн тухай ярьдаг байсан аж. Смит "Ээж амьсгал хураах гэж байхдаа ч хайрцаг дотор юу байгаа талаар хэлээгүй. Тэгэж бодохоор тэр хэнд ч ярьж болохгүй тийм зүйлийг тэр хүүхдэд хийсэн байж магадгүй гэсэн хар төрөөд байгаа юм" гэжээ.
Сэтгэгдэл (0)
Сэтгэгдэл бичигдээгүй байна