Монголчууд тоог бэлэгшээж, ижил тоонд ач холбогдол өгөх нь бий. Тиймээс автомашины дугаар, гар утасны дугаартаа их ач холбогдол өгдөг.
Автомашины УАА гэх шинэ сери задраад удаагүй байна. Харин ижил тоотой, "азын" гэж иргэдийн нэрлэдэг дугаарууд аль хэдийн ченжүүдийн гарт очжээ. Тодруулбал, 99 99, 88 88, 11 11 гэх дугааруудыг зарна хэмээн нийгмийн сүлжэээнд зар байршуулсан байна. Энэ дагуу 9906 22... утасны дугаартай иргэнтэй холбогдон тодруулахад "Надад байх эрхийнхээ хүрээнд энэ гурван дугаарыг авсан юм. Ямар машинд авахаас шалтгаалж 25-28 сая төгрөгөөр худалдана. Шинээр орж ирсэн машинд бол 25 саяар, хуучин машинд авах бол 28 сая төгрөгөөр худалдана" гэсэн юм.
Уг нь иргэн автомашиндаа дугаар авахын тулд Авто тээврийн үндэсний төвийн албан ёсны сайт руу хандаж, аль ч дугаарыг захиалан авах боломжтой. Харин "азын" гэх энэ дугааруудыг ямар замаар ченжийн гарт очсон нь сонирхолтой.
99 99, 88 88 улсын дугаарууд одоогоор приус маркийн автомашинд байгаа бол 11 11 гэх улсын дугаар АТҮТ-ийн захиалгын санд ч орж ирээгүй, хүлээлгийн горимд байгаа юм. Ийм үед тухайн дугаарыг зарах нь тодорхой байгаа нь "азын" дугаарууд ченжийн гарт очиход АТҮТ-ийн ажилтнууд нөлөөлж байж болох үндэслэлүүд үүсч байгаа юм.
Сэтгэгдэл (0)
Сэтгэгдэл бичигдээгүй байна