Канадын Британийн Колумби мужид амьдардаг эмэгтэй бугуйдаа байнга үсний резин зүүж явдаг зуршлаас болж гарынхаа мэдрэлийг гэмтээсэн тухай "The Sun" сонин мэдээлжээ.
Лиза Макленнан гэгч 47 настай эмэгтэй сүүлийн 30 жилийн турш үсний резинээ бугуйдаа зүүж явдаг байжээ. Тэрээр үсээ задгай тавих болгондоо резинийг нь бугуйдаа хийдэг байж. Гэтэл сүүлийн үед гар, бугуйгаар нь хүчтэй өвдөх болсонд үе мөчний үрэвсэл гэж бодон эмнэлэгт үзүүлсэн аж. Гэтэл үзлэгийн явцад резин нь бугуйг байнга чанга боосоор сарвууны цусан хангамжийг нь алдагдуулж, мэдрэлийг нь гэмтээн үрэвсэлд хүргэсэн байсныг илрүүлжээ. Энэ гэмтлийн улмаас бугуйн мэдрэлийн сувгийн хам шинж нэртэй эмгэг үүсч, эмэгтэйн эрхий нь хурууных нь мэдрэх чадвар эрс буурсан байж. Тэрээр өөртэй нь адил зуршилтай хүмүүст хандан "Миний алдааг битгий давтаарай. Ирээдүйд өвчин эмгэгийн улмаас шаналж байхын оронд яг одооноос энэ зуршлаасаа татгалзах нь хамаагүй хялбар" гэжээ.
Сэтгэгдэл (0)
Сэтгэгдэл бичигдээгүй байна