Америкийн Орегон мужийн Ашленд хотын оршин суугч 23 мянган доллар хадгалж байсан хайрцгаа андууран хогийн саванд хийсэн байсныг хог ялгагчид олж буцаан өгсөн тухай "The Press Democrat" сонин мэдээлж байна.
Наймдугаар сарын нэгэнт удаан хугацааны туршид хураасан мөнгөө хогтой андууран хаясан гэдгээ эзэн нь мэджээ. Улмаар хог хаягдлыг ачиж бөөгнөрүүлдэг "Recology Ashland" компанид хандсан байна. Харин энэ компани нь бөөгнөрүүлсэн хаягдлыг Калифорни мужид байрладаг "Recology Humboldt County" хог дахин боловсруулах компани руу пүрэв гарагт өгдөг явуулдаг байж.
Азгүй эрийг хандсаны дараагаар "Recology Humboldt County" компанийхан 22 тонн хог хүлээн авсны дараа ангилагч нартаа хандан их хэмжээний мөнгө байгаа талаар анхааруулжээ. Ингэхэд баасан гарагийн өглөө нь хог ангилагч ажилтан баахан мөнгө хийсэн хайрцгийг олсноор эзэнд нь буцаан өгчээ. Хог дахин боловсруулах үйлдвэрийн менежер Линда Вайз "Чухал хэрэгтэй зүйлийг нь олж өгч байсан тохиолдол өмнө ч нь гарч байсан. Гэхдээ ингэж бухал өвсөн дотроос зүү хайхтай адил маш хэцүү байдаг юм" гэжээ.
Долоодугаар сарын дундуур Өмнөд Солонгост нэгэн эмэгтэй 50 мянган вонын 11 дэвсгэртийг цаас андууран цаас устгагчид хийгээд, дараа нь бүгдийг эвлүүлж наагаад банканд очиж солиулсан явдал гарч байсан юм.
Сэтгэгдэл (0)
Сэтгэгдэл бичигдээгүй байна