Бельгийн Льеж мужид шархадсан эмэгтэй зургаа хоногийн турш их халуунд машинд усгүй, хоолгүй түгжигдсэн ч амьд гарсан тухай "The Mirror" мэдээлж байна.
Корин Бастид гэгч 45 настай эмэгтэй ойн замд осолд орж, зам дагуух гуу руу гулсан орохдоо нугасаа гэмтээсэн байна. Нугасаа гэмтээсэн тул хөдөлгөөнгүй болсон тул машинаасаа гарч эсвэл утсаар ярих чадваргүй болжээ. Шарх нь хүчтэй өвдөж байсан тул хөдлөх гэх болгондоо ухаан алдаж байсан байна. Их халуунд цангаж үхэхгүйн тулд борооны ус уусан байна. Тэрээр амьд гарсан тухайгаа "Би амаа норгох гэж нойтон мөчир зажилсан. Гэхдээ ер өлсөөгүй. Хүүхдүүдээ бодоод л амьд гарахыг хүсч байсан" гэжээ.
Хэсэг хугацааны дараа Корин нь машиныхаа хаалгыг өшиглөн онгойлгоод зөрж явсан машин руу хашгарч тусламж гуйжээ. Аз болж машины жолооч эмэгтэй Корины дууг сонсоод зогссоноор аврагдсан байна. Кориныг аварсан эмэгтэй танил нь байжээ.
Корин одоо эмнэлэгт хүргэгдсэн бөгөөд хэдэн долоо хоног эмчлүүлнэ.
Сэтгэгдэл (0)
Сэтгэгдэл бичигдээгүй байна