Африкийн Зимбабве улсад 5 сая гаруй хүнд хүнсний тусламж нэн шаардлагатай болоод байгаа тухай НҮБ-ын Дэлхийн хүнсний хөтөлбөрийн төлөөлөгчид мэдэгджээ. Шил шилээ даран болсон ган гачиг, үер ба эдийн засгийн уналтын улмаас үүссэн өлсгөлөнгөөс гарахад тус улсад багаар бодож 331 сая долларын тусламж шаардлагатай болсон байна.
Дэлхийн Хүнсний хөтөлбөрийн тэргүүн нь Зимбабвед болсон байгалийн гамшгийн улмаас маш олон хүн хохирсон, тэдэнд тусламж үзүүлэхийн тулд онцгой арга хэмжээ шаардлагатай болсон гэдгийг онцолж. Түүнчлэн энэ жил ган гачиг дайрснаас ургац тааруухан авсан тул хүнсний бүтээгдэхүүний үнэ огцом өсчээ. Мөн ган гачгийн улмаас усан цахилгаан станцын ажил доголдох болсон нь улс даяар цахилгаан дутагдахад хүргэсэн байна.
Сэтгэгдэл (0)
Сэтгэгдэл бичигдээгүй байна