Английн Вустершир гүнлэг дэх Реддитч хотын оршин суугч бүсгүй интернетээс уншсан жороор өндөг чанах гэж оролдоод нүдэндээ хүнд шарх авч эмнэлэгт хүргэгдсэн талаар "The Sun" мэдээлсэн байна.
Бетани Россер гэгч 22 настай эмэгтэй өглөөний хоолондоо өндөг чанаж идэхээр шийджээ. Тэрээр интернет ухаж байгаад "өндгийг богино хугацаанд хурдан чанах арга" гэсэн зааварчилга олж уншин түүний дагуу өндөг чанасан байна. Зааврын дагуу шорвог усанд өндгөө хийгээд бичил долгионы зууханд зургаан минут болгож. Дараа нь өндгийг гаргаад болсон эсэхийг нь шалгаж байтал нэг өндөг нь дэлбэрч нүүрний баруун талыг нь түлжээ.
Бетани нь түлэгдсэн даруйдаа түргэн дуудаж, эмнэлэгт хүргэгдээд яаралтай тусламж авсан байна. Түлэгдсэн газар эмчилгээ хийсэн хэдий ч баруун нүд нь юм бараг харахгүй шахуу болжээ.Түүхий эсвэл чанаж болгосон өндгийг бичил долгионы зууханд халаахад дэлбэрч хүнийг гэмтээх аюултайг 2017 онд Америкийн акустик судлаачид туршилтаар нотолсон байдаг.
Сэтгэгдэл (0)
Сэтгэгдэл бичигдээгүй байна