Америкийн Филадельфи хотноо буудалцаан болж цагдаагийн зургаан албан хаагч шархадсан байна. Цагдаа нар хар тамхины наймаачдын баривчлах ажиллагаа явуулах үеэр гэмт этгээд хоёр цагдаа, гурван энгийн иргэнийг барьцаалж, түгшүүрийн дагуу хүрэлцэн ирсэн цагдаа нартай буудалцсан аж.
Буудалцааны үеэр зургаан цагдаа шархадсан ч гэмт этгээдийг аюулгүй болгон баривчилж, барьцааны хүмүүсийг сулласан байна. АНУ-ын Ерөнхийлөгч Дональд Трамп болсон хэргийн талаар Twitter хуудсаараа дамжуулан мэдэгдэл хийлээ. Тэрээр "Филадельфид гал нээсэн этгээдийг ер нь гудамжинд гаргах ёсгүй хүн байсан байна лээ. Урт хугацааны туршид эрүүгийн олон хэрэгт холбогдож байсан этгээд байж. Ийм олон цагдаа нарыг шархдуулсны дараа баривчлагдахдаа цагийг зугаатай өнгөрүүлсэн хүний царайтай байгаа харагдсан. Гудамжны гэмт хэрэгтэй илүү хатуу тэмцэхийн тулд илүү олон жилийн ял ногдуулах ёстой" гэж жиргэсэн байна.
Сэтгэгдэл (0)
Сэтгэгдэл бичигдээгүй байна