Японы эрх баригчид ойртон ирж байгаа "Крос" далайн хар салхины улмаас 570 мянган иргэдийг аюулгүй газар руу нүүх шаардлагатай тухай анхааруулга тараасан гэж "Xinhua" агентлаг мэдээлсэн байна.
Далайн хар салхи дайрах үеэр Сикоку, Кюшү арлуудад үер бууж, олон тооны хөрсний гулгалт үүсэх аюултай. Иймд Японы Цаг агаарын агентлаг аюулаас сэрэмжлүүлэх түвшнийг тав болгож нэмэгдүүлжээ. Тавдугаар түвшний сэрэмжлүүлэг нь орон гэрээ аль болох хурдан орхиж, аюулгүй газар руу түр шилжин нүүх шаардлагатай болоод байгааг иргэдэд анхааруулан сануулдаг.
Далайн хар салхи нь Японы тээврийн тогтолцоонд хэдийн нөлөөлөөд эхэлсэн бөгөөд дотоодын 673 нислэгийг хойшлуулаад байна. Үүнээс гадна "West Japan Railway Company" компани өндөр хурдны "Сингакасэн" галт тэрэгнийхээ хурдыг багасган хязгаарлажээ.
Иргэдийг аюулгүй газар руу шилжүүлэн нүүлгэх ажил Японы 15 муж хамрагдаад байгаа аж. "Крос" нь энэ жил Номхон далайд үүссэн арав дахь удаагийн хар салхи болоод байна.
Сэтгэгдэл (0)
Сэтгэгдэл бичигдээгүй байна