АНУ-ын Төрийн департаментаас гаргасан "Төсвийн ил тод байдлын тайлан 2019"-д Туркменистан улсыг төсвийнхөө талаарх мэдээллийг бүрэн дэлгээгүй, хаалттай байлгаж байгааг шүүмжилжээ.Туркменийн Засгийн газар нь нийт орлогын хэмжээгээ улсын мэдлийн сониноор дамжуулан олон нийтэд ил болгосон ч төрийн өр ба төсвийн зарцуулалтын талаарх бичиг баримтаа нууцалсан хэвээр байгааг Америкийн Төрийн департамент онцолжээ.Тус тайланд "Засгийн газрын төсвийн гадуурх тогтворжуулах сангийн тухай мэдээллийг олон нийтэд ил болгоогүй. Төсвийн зарцуулалтын тухай баримт байхгүйгээ үүдэн, төсвийн найдвартай байдалд дүн шинжилгээ хийх боломжгүй. Туркмений төрийн аудитын алба нь хангалттай бие даасан байж чадахгүй байгаагийн дээр тайлангаа олон нийтэд ил болгохгүй байна" гэжээ. Мөн Туркменистаны Засгийн газраас олон нийтэд ил болгосон төсвийн талаарх мэдээлэл хангалттай бус байгааг америкчууд онцолсон байна. Цаашлаад "Байгалийн нөөцийг олборлох зөвшөөрөл олгохтой холбоотой хууль тогтоомжууд нь ашигт малтмал олборлох лиценз олгоход шаардлагатай бүх нөхцөл, шаардлагыг дурдаагүй" гэж шүүмжилсэн байна. Иймд Туркмений удирдлагад хандан төсвийн баримтуудаа олон нийтэд нээлттэй, илүүтэй бүрэн дүүрэн, бодит болгох ба аудитын хараат бус байгууллага бий болгох, байгалийн баялгийг олборлох лиценз олголтын талаарх мэдээллийг ил тод болгохыг зөвлөсөн байна.
Сэтгэгдэл (0)
Сэтгэгдэл бичигдээгүй байна