Германы Леффинг дэх амралтын хүрээлэнд байдаг "Бүргэдийн нислэг" нэртэй тоглоомын хийц нь нацистуудын бэлгэдэл тэмдэгтэй адил байснаас болж татан буулгасан байна.Энэхүү тоглоомыг наймдугаар сарын эхээр ашиглалтад оруулсан байж. Тус тоглоом нь тус бүрдээ дөрвөн суудал бүхий хоёр хэсгээс бүрддэг бөгөөд суудлуудыг нь бүргэдийн толгойгоор чимсэн. Гэтэл энэхүү тоглоом нь эргэлдэх явцдаа нацистуудын хэрэглэдэг байсан хас тэмдэгтэй адил харагдаж байгааг нэгэн хэрэглэгч шүүмжлэн бичлэгийг интернетэд байршуулсан байна.Үүний дараа тус тоглоомын эзэн нь олон нийтээс уучлал гуйгаад, тоглоомыг татан буулгаж, задалжээ. Энэхүү тоглоомыг цаашид сэргээхээр болбол хийц, харагдах байдлыг нь ихээхэн өөрчилж магадгүй аж.
Сэтгэгдэл (0)
Сэтгэгдэл бичигдээгүй байна