АНУ-ын Ерөнхийлөгч Трамп Данийн Ерөнхий сайдтай хийх уулзалтаа цуцалсан тухай "DR" мэдээлсэн байна. Трамп нь есдүгээр сарын 2-3 өдрүүдэд Дани улсад айлчилж, Ерөнхий сайд Метте Фредриксентэй албан ёсны уулзалт хийх ёстой байсан. Үүний өмнөхөн Трамп нь Гренландын арлыг Даниас худалдан авах боломжийн талаар Фрдериксентэй ярилцана гэж мэдэгдэж байсан юм. Үүний тулд Данид 10 их наяд доллар төлж магадгүй тухай яригдаж байсан. Гэвч Данийн Ерөнхий сайд энэ санааг нь дэмжээгүйгээр барахгүй хүчтэй шүүмжилсэн. Тэрээр "Гренландыг зардаггүй. Гренланд бол Данийн өмч биш. Гренланд бол гренландынх. Энэ хүсэл нь нэг их чухал зүйл биш гэдэгт маш их найдаж байна" гэж мэдэгдсэн юм. Гэвч түүний найдлага талаар болсон бололтой. Трамп нь Данийн Ерөнхий сайдын Гренландыг худалдахгүй талаар шууд хариу өгч багагүй хөрөнгө, хүч хэмнэсэнд талархаад айлчлалаа цуцалжээ. Дэлхийн хоёрдугаар дайны дараагаар АНУ-ын Ерөнхийлөгч Харри Трумен нь Гренланд арлыг Даниас 100 сая доллараар худалдан авах санал тавьж байсан байдаг.
Сэтгэгдэл (0)
Сэтгэгдэл бичигдээгүй байна