ОСОЛДСОН ОНГОЦНООС ТЭЭШЭЭ АВАХ ГЭЖ УЛАЙРСНААС БОЛЖ ОЛОН ХҮН АМЬ ҮРЭГДЖЭЭ

О.Шүрэнцэцэг
Сэтгүүлч
О.Шүрэнцэцэг
5-р сар 7 13:17
ОСОЛДСОН ОНГОЦНООС ТЭЭШЭЭ АВАХ ГЭЖ УЛАЙРСНААС БОЛЖ ОЛОН ХҮН АМЬ ҮРЭГДЖЭЭ

Зорчигчид ачаагаа авах гэж гарц тагласнаас болж олон хүн амь үрэгджээ

ОХУ-ын нийслэл Москва хотоос ням гаригт /2019.05.05/ Мурманскийн чиглэлд хөөрсөн “Sukhoi Superjet 100” нисэх онгоц хөөрөөд хагас цагийн дараа техникийн саатал гарч, Шереметьевогийн нисэх буудалд ослын буулт хийх үеэр онгоц шатсан юм.

 

СУ 1492 чиглэлийн уг онгоцонд нийт 73 зорчигч, нисэх багийн таван гишүүн явснаас 41 хүн амь үрэгдсэн билээ. Гэхдээ амьд үлдсэн зорчигчдын мэдээлж буйгаар, ослоос илүү олон хүн амьд гарч болох байсан гэнэ. Учир нь онгоц ослын буулт хийж, шатах үеэр урдуур суудал буюу гарцтай ойр байсан зарим зорчигчид ачаа тээшээ авч гарах гэж гарцыг бөглөснөөр бусдынхаа амьд гарах боломжийг үгүй хийсэн байна. Онгоц осолдсоноос нэг цаг орчмын дараа нисэх буудлаас ачаагаа аваад гарч буй нэгэн зорчигчийн зураг бичлэг цахим сүлжээнд таржээ.

Түүнийг Дмитрий Хлебушкин гэдэг бөгөөд онгоц ослын буулт хийхэд бүх зорчигчид хүний амь насыг эн тэргүүнд тавьж, ачаа тээшээ үлдээж онгоцноос аль болох хурдан гарах ёстой гэж аюулгүй ажиллагааны дүрэмд заасан байдаг.

Одоогоор онгоц осолдох болсон шалтгааныг шалгаж байгаа ба цаг агаарын байдал буюу аянга цахилгаанаас болж онгоц шатсан, техникийн саатал юм уу нисгэгчийн хариуцлагагүй үйлдлээс болж онгоц ослын буулт хийх болсон гэсэн гурван таамгийн дагуу мөрдөн шалгах ажиллагаа үргэлжилж байгаа ажээ.

Онгоцны ослын шалтгааныг тодруулахаар ажиллаж байгаа албаны хүмүүс камерын бичлэгнээс нэгэн бичлэг илрүүлсэн нь Орост шуугиан дэгдээгээд байгаа аж. 
Шатаж эхэлсэн онгоцны хамгийн урд талын VIP суудлууд дээр сууж байсан хүмүүс ослын үед гар тээшээ авах гэж эгнээ хоорондын коридорыг хааснаас олон хүмүүсийн зам хаагдаж амиа алдсан нь бичлэгнээс тодорхой болжээ.

ОХУ-ын хуулийн байгуулагын мэдэгдсэнээр "Гар тээшээ аваад гарсан байгаа хүмүүс"-ийг шалгаж хариуцлага хүлээлгэх юм байна. 22 настай онгоцны бортпроводник Максим Мойсеев гэдэг залуу эхний хаалгыг нээсэн бөгөөд бас нэг хаалгыг нээж амжилгүй, зорчигчдоо аврах гэж байгаад өөрөө амиа алджээ.

 

  • Хан хиллс
    Хан хиллс
    • Энэ долоо хоногт

    • Энэ сард

    • Энэ жилд

    Хан хиллс