Саяхан Эрдэнэс Тавантолгой ХК-ийн Гүйцэтгэх захирал Б.Ганхуягийг чөлөөлж, оронд нь ЗГ-аас Бүрэн эрхт төлөөлөгч томилсон. Үүний өмнөхөн зарим сайд нар, УИХ-ын гишүүдийн зүгээс “Эрдэнэс Тавантолгой ХЗ нь нууцаар хэдэн их наядаар хэмжигдэх оффтейк гэрээ байгуулсан, 3,4 их наядын өртэй, 84 нууц гэрээтэй гэхчлэн мэдээллийг өгч байв.Энэ нь хэвлэл сошиалаар нэлээд тарсан юм.
Харин үүний дараа Б.Ганхуяг ярилцлага өгөхдөө “Дөрвөн оффтейк гэрээ бүгд ҮАБЗ болон ЗГ, салбарын яам, ТУЗ гэхчлэн дээд байгууллагуудын шийдвэр, чиглэлтэй. 2 гэрээг ЗГ-ын шийдвэрээр төрийн нууцад авснаас биш ЭТТ нуугаагүй. Өөр нууц гэрээ байхгүй, арилжааны гэрээнүүд бүгд ил тод. Сайт дээр гэрээний дугаар, компаний нэр ус бүгд байгаа” гэсэн тайлбар хийсэн.
Тэгвэл Засгийн газрын Бүрэн эрхт төлөөлөгч Ж.Ганбат өнөөдөр мэдээлэл хийж, Эрдэнэс Тавантолгойн уурхайн ачилтын явцыг сайтдаа ил тод болгосноо мэдээллээ. Тэрбээр энэ үерээ нөгөө шуугиулаад байсан дөрвөн оффтейк гэрээ гэгчийг мөн тайлбарлахдаа, “Б.Ганхуяийн хэлж байсныг давтлаа. Тэрбээр “Тавантолгой Гашуунсухайтын төмөр зам, Богд хан төмөр зам, Нүүр баяжуулах үйлдвэр, Нефтийн үйлдвэрийн газрын тос дамжуулах хоолой гэсэн төслийг санхүүжлэхээр 4 оффтейк гэрээ байгуулсан, хоёрыг нь улсын нууцад авсан. Энэ гэрээнүүдийг үргэлжүүлж, төслүүдийг дуусгах нь зөв гэж үзэж байна” гэсэн юм.
Мөн Бүрэн эрхт төлөөлөгч Ж.Ганбат мөн урьдчилгаа төлбөр авсан гэрээ болон арилжааны гэрээнүүдийн талаар мэдээлэл өгсөн. Дөрвөн том худалдан авагчтай урьдчилгаа төлбөр авч гэрээ байгуулсан,үүнийг хийхдээ ТУЗ-өөсөө чиглэл авч байгуулдаг юм байна. Бусад нь 10 мянган тонноос дээших коксжих болон эрчим хүчний нүүрс борлуулах гэрээ. Энэ гэрээнүүдийн жагсаалт сайтад нь ил байгааг БЭТ Ж.Ганбат хэллээ.
Өнөөдрийн Ж.Ганбатын мэдээллээс үзвэл болохоо байчихсан, хэдэн их наядаар хэмжигдэх гэрээ нууцаар хийчихсэн гэсэн Ч.Хүрэлбаатар сайд тэргүүтний яриад байсан зүйл худал болж таарч байна. Магадгүй МАН-ын дараагийн ээлж хоолондоо орох, Б.Ганхуягийн ажлыг авах гэсэн зориудын улс төржилт байсан бололтой.
Сэтгэгдэл (0)
Сэтгэгдэл бичигдээгүй байна