Б.Мөнх-Эрдэнэ: Ажилласан газар маань цалингаа өгөхгүй, хүүхдийн сургалтын төлбөр нэхэгдээд амьсгаа давчдаж байна

Н.Мижидмаа

2023/08/23

Түүнийг Б.Мөнх-Эрдэнэ гэдэг. Нэгэн компанийн барилгын ажилд гагнуурчинаар ажилласан. Ажилласан компанийнх нь нэр "Ганхийц" ХК-ийн туслан гүйцэтгэгч "Вистериа" ХХК. Гэвч тэрбээр өнөөдрийн байдлаар цалингаа авч чадаагүй бөгөөд охиных нь сургалтын төлбөр нэхэгдээд байна хэмээн ярина.

Тэрбээр:

"Охин энэ жил Багшийн их сургуульд орж байгаа юм, төлбөр нь нэхэгдээд сүйд болж байна. Ах нь анх ажиллахдаа тэр компанитай хөдөлмөрийн гэрээ хийгээгүй нь л гай боллоо. Цагдаад хандах гэхээр үзүүлэх баримт байхгүй юм. Өмнө нь хамт ажиллаж байсан хүн болохоор нь итгээд ажиллатал одоо ингээд ажилласан баримтгүй, хөдөлмөрөө шулуулчихаад, охиноо тэнд уйлуулаад сууж байна. Мөнгө гэж амьдралын хөшүүрэг юм даа. Дүү нар минь над шиг хохироод үлдэв, ажиллаж байгаа газартайгаа хөдөлмарийн гэрээ заавал хийж байгаарай” гэв.

Бичлэгээр үзэх:

Сэтгэгдэл (23)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

202.9.46.230

2023/08/25

би нэг залууг авч ажиллуулсан. гэрээ хийсэн. гэвч тэр ажил хийдэггүй утасаа л ухсаар 2 хоног болоод хөөгдөв. 1 өдрийнх нь цалинг өгөөд 2 дахь өдөр нь хүний урманд 1 тоосго ч хөдөлгөөгүй учир сүүлийг өдрийг цалинг нь өгөхгүйгээр хөөв. Маргааш нь луйварчин түүлэгчнээр дуудаж, обьектын зураг хөрөг тавьж фб ээр баахан пост явав. Захиалагч тал уурлав. нөгөө гөлөг бүр сарын цалин бүтэн авна гэж шантаажлав. Бас цалин муридаг хүмүүсээс гадна ажилгүй залхуу шантаажчин юмнууд ажил хийх нэрээр архи гударч хулгай хийж цаг алж байдаг шүү.