Төрийн албан тушаалтнуудын 35% нь ХАСХОМ-ээ өгчээ

Авлигын эсрэг хууль тогтоомжийн дагуу 2023 оны Хувийн Ашиг Сонирхлын болон Хөрөнгө, Орлогын Мэдүүлэг /ХАСХОМ/ шинэчлэн гаргуулах үйл ажиллагааг улсын хэмжээнд нэгдсэн байдлаар зохион байгуулж эхэлжээ.

Энэ сарын 19-ний байдлаар 2023 оны ХАСХОМ гаргавал зохих нийт албан тушаалтнуудын 35 хувь нь мэдүүлгээ гаргасан байна.

Авлигатай Тэмцэх Газрын  https://meduuleg.iaac.mn  цахим системээр хоёрдугаар сарын 15-ны өдрийн 23.59 цаг хүртэл албан тушаалтан нь ХАСХОМ-ээ мэдүүлэх үүрэгтэйг мэдээллээ.

Тодруулбал Ерөнхийлөгч, Ерөнхий сайд, УИХ-ын дарга болон гишүүд, сайд нар жил бүр бэлэн мөнгө, өмчлөл, тээврийн хэрэгсэл, хадгаламж, үнэт эдлэл, мал, цалин, зээл, газар, авлага зэргийг мэдүүлдэг.

Өнгөрсөн онд 49.7 мянган албан тушаалтны ХАСХОМ-ийг шинэчлэн гаргаж, ХАСХОМ-ээ гаргаж өгөөгүй, худал мэдээлсэн 30 албан хүнд хариуцлага тооцуулжээ.