Сүүлийн үед АН-ынхан иргэдийн өрийг тэглэх тухай асуудлыг ярих болсон. Тэгвэл энэ асуудлаар УИХ-ын гишүүн Ч.Хүрэлбаатар байнгын хороон дээр дараах байр суурийг илэрхийлэв. Тэрбээр "Өр тэглэнэ гэдэг сүржин яриа өрнөж байна аа. Зарим нь итгээд, зарим нь эргэлзээд, зарим нь худлаа ш дээ гээд. 2 жилийн өмнө төрийн бүх эрх мэдлийг атгаад, том том ширээ сандал дээр зайдагнаж суугаад сайд хийж байхдаа улс орноо, ард иргэдээ өрөнд оруулсан Женко, Эрдэнэ 2 одоо гэнэт сэрж, ухаан ороод өрийг тэглэнэ гээд цуурч эхэллээ. Уг нь тэд 2 жилийн өмнө ӨР гэдэг үгийг ӨГЛӨГ гэж сольж бичээд өрийн асуудлыг шийднэ гэж байсан юм. Бүтэлгүйтсэн энэ аргаа дахиад нэг хэрэглээд үзэхээр шийдчихжээ энэ хэд. Монголын ард түмэн ухаантай шүү, хуурчихна гэж бүү горьд, өнгөрсөн 4 жил хангалттай хуурсан, одоо больж үз" хэмээв.
Сэтгэгдэл (0)
Сэтгэгдэл бичигдээгүй байна