Жагсаалтын дөрөвдүгээрт бичигдсэн С.Цэнгүүн 48 дугаар сургууль дээр саналаа өгнө

УИХ-ын 2024 оны ээлжит сонгуулийн санал хураалт орон даяар маргааш 07:00 цагт эхэлнэ. Энэ удаагийн сонгуульд 21 нам, эвсэл, 42 бие даагч, нийт 1341 нэр дэвшигч өрсөлдөж байна.

Тодруулбал, УИХ 126 гишүүнтэй байх бөгөөд 78 гишүүнийг мажоритар, 48 гишүүнийг пропорционал системээр сонгоно. Тойрогт 969 нэр дэвшигч өрсөлдөж байгаа бол 372 нь намын жагсаалтад бичигдсэн.

Сонгуулийн холимог тогтолцоогоор явагдах энэ удаагийн сонгуульд АН-ын нэр дэвшигчдийн жагсаалтын  дөрөвдүгээрт 27 настай С.Цэнгүүн бичигдсэн нь олон нийтийн анхаарал татаж буй. Түүний хувьд маргааш /2024.06.28/ Сансарын 48 дугаар сургууль дээр 12:30 цагаас саналаа өгөх аж.