С.Эрдэнэболд: Н.Өнөрцэцэгийг өмгөөлөгчгүй шүүсэн асуудлаар иргэдээс гомдол их ирж байна

Хүний эрхий дэд хороо өчигдөр /2024.10.30/ сэтгүүлч Н.Өнөрцэцэгтэй уулзсан талаар мөн цаг үеийн асуудлаар мэдээлэл хийлээ.

ХЭҮХ: Хорих 461-р ангид 14 цагаас оройны 20 цаг хүртэл ойролцоогоор зургаан цагийн турш ажиллалаа. Энэ хүрээнд тухайн хорих ангид хүний эрхийн зөрчил байгаа эсэх, өмнөх жилүүдийн статистик мэдээлэл , хүний эрхийг хангахтай холбоотой явагдаж буй үйл ажиллагаатай танилцлаа.

Энэ нөхцөл байдлыг сайжруулахын тулд УИХ-ын зүгээс ямар ажлуудыг хийх шаардлагатай тухай өргөн хүрээнд ярилцлаа. Тухайн хорих газрын эмнэлэг, барилгын нөхцөл байдал мөн хоригдож байгаа хүмүүсийн нөхцөл байдалтай газар дээр нь танилцсан.
Хорих байгуулагд байгаа насанд хүрээгүй хүүхдийн боловсролын асуудал, ээжтэйгээ ял идлэхэд нь хамт байгаа хүүхдийн мөн орчны асуудал зэрэг хүний эрхийг хангахтай холбоотой олон зүйлийн ярилцсан.

Хүний эрхийн дэд хорооны анхны хурал аравдугаар сарын 2-нд болсноос хойш олон хүнээс сэтгүүлч Н.Өнөрцэцэгийн эрхийн асуудлаар мөн өмгөөлөгчгүй хуралдсан гэх хэргээр гомдол ирсэн. Үүний дагуу хяналтын шатны шүүхэд хандан сэтгүүлч Н.Өнөрцэцэгтэй уулзсан.