Гадаадын зорчигчдын тоо өмнөх онтой харьцуулахад 32.6 хувиар өсжөө

Манай улсын хилээр 2024 онд давхардсан тоогоор 7 сая 179 мянган зорчигч нэвтэрсэн нь өмнөх оныхтой харьцуулахад 1 сая 844 мянга буюу 34.6 хувиар нэмэгджээ.

2024 онд 3 сая 576 мянган зорчигч улсын хилээр орсны 34.0 хувь нь Замын-Үүд, 25.9 хувь нь Чингис хаан, 9.6 хувь нь Алтанбулаг, 8.9 хувь нь Гашуун сухайт, 5.2 хувь нь Шивээ хүрэн, 16.4 хувь нь бусад боомтоор орсон байна. Улсын хилээр орсон зорчигчдын 2 сая 722 мянга буюу 76.1 хувь нь Монгол Улсын иргэд, 853.8 мянга буюу 23.9 хувь нь гадаад улсын иргэд байна. Улсын хилээр орсон Монгол Улсын иргэд өмнөх оныхоос 714.0 мянга буюу 35.5 хувь, гадаад улсын иргэд 209.8 мянга буюу 32.6 хувиар тус тус нэмэгдсэн байна.

Улсын хилээр орсон гадаадын зорчигчдын 516.6 мянга буюу 60.5 хувь нь эрэгтэйчүүд, 337.2 мянга буюу 39.5 хувь нь эмэгтэйчүүд байна.

Мөн улсын хилээр орсон гадаадын зорчигчдын 63.3 хувь нь Зүүн Ази, Номхон Далайн бүс нутаг, 32.1 хувь нь Европ, 2.5 хувь нь Америк, 1.2 хувь нь Ойрх Дорнод, 0.7 хувь нь Өмнөд Ази, 0.2 хувь нь Африк тивээс иржээ. Хилээр орсон гадаадын зорчигчдын 29.6 хувийг БНХАУ-ын иргэд, 26.2 хувийг ОХУ-ын иргэд, 22.6 хувийг БНСУ-ын улсын иргэд, 3.1 хувийг Япон улсын иргэд, 2.9 хувийг Казахстан улсын иргэд, 2.1 хувийг АНУ-ын иргэд, 13.5 хувийг бусад улсын иргэд эзэлж байна.