Дорноговь аймгийн Замын-Үүд сумын Жаргалант багийн нутаг дахь авто зогсоолд ачааны автомашин шатаж байна гэсэн дуудлага 2026 оны зургаадугаар сарын 8-ны өдрийн 20:22 цагт Онцгой байдлын байгууллагад иржээ.
Дуудлагын дагуу тус аймгийн Онцгой байдлын газрын Замын-Үүд сум дахь Гал түймэр унтраах, аврах 17 дугаар ангийн алба хаагчид шуурхай ажиллаж, гал түймрийн голомтод очсон байна.
Гал түймэрт Өмнөговь аймгийн Даланзадгад сумаас БНХАУ-ын чиглэлд тус бүр 33 тонн буталсан дугуйны бэлдэц тээвэрлэж явсан иргэн Э-ын “Beiben North Benz ND4250” болон иргэн Х-ийн “Beiben North Benz ND4257” загварын зүтгүүрүүд өртөн шатаж байсныг алба хаагчид ажиллан унтраажээ.
Хэргийн шалтгаан, нөхцөл байдлыг холбогдох байгууллагууд үргэлжлүүлэн шалгаж байна.
Сэтгэгдэл (0)
Сэтгэгдэл бичигдээгүй байна