Япон Улсад суух элчин сайдад өмнөх Засгийн газраас Г.Тэнгэрийг томилох санал оруулсан ч Ерөнхийлөгч Х.Баттулга татгалзсан.
Тэрээр нэр дэвшигч Г.Тэнгэр тухайн албыг хаших насны шалгуурыг хангаагүй, мөн түүнийг томилохдоо төрийн албаны мерит зарчмыг зөрчсөн, Монгол Улсын гуравдагч хөрш оронд суух Элчин сайдын өндөр хариуцлагатай албыг зохих түвшинд хашиж чадахгүй гэж үзэж байгаагаа албан бичгээр уламжлан, тохоон томилох тухай зарлиг болон Итгэмжлэх жуух бичгийг гаргах боломжгүй гэсэн юм.
Иймд хэвлэл мэдээллийн зарим хэрэгслээр Ерөнхийлөгч Х.Баттулга Японд суух элчин сайдаар Ерөнхийлөгч өөрийн бие төлөөлөгч Д.Дагвадоржийг томилно гэж мэдээлэв. Энэ талаар Ерөнхийлөгчийн Тамгын газрын Хэвлэлийн албанаас тодруулахад «Гадаад харилцааны яамнаас танилцуулан, Засгийн газрын хуралдааны шийдвэрээр элчин сайдын нэрийг Ерөнхийлөгчид танилцуулдаг журамтай. Одоогоор Засгийн газраас элчин сайдыг танилцуулаагүй байна гэлээ.
Сэтгэгдэл (0)
Сэтгэгдэл бичигдээгүй байна