Б.ХУРЦ НАРЫН ХЭРЭГТ ПРОКУРОР ЭСЭРГҮҮЦЭЛ БИЧЛЭЭ

Тагнуулын ерөнхий газрын дарга асан Б.Хурц, УЕП-ын орлогч асан Г.Эрдэнэбат нарын 9 хүнд холбогдох шүүх хурал зургаан өдөр үргэлжилж наймдугаар сарын 19-нд нэмэлт мөрдөн байцаалтад буцаасан билээ. Улмаар эдгээр гүйцэтгэх ажилтнуудыг Т.Чимгээ, Б.Содномдаржаа нарыг эрүүдэн шүүж хэрэг хүлээлгэсэн гэж буруутгаад байгаа юм. Харин шүүхээс тэдний үйлдсэн эдгээр хэргийн баримт дутуу, зарим гүйцэтгэх ажиллагаанууд дутуу хийгдсэн гэж үзэж буцаасан байдаг. Тэгвэл шүүхээс гаргасан энэ шийдвэрт хэргийн прокурор эсэргүүцэл бичжээ. Тэгэхээр прокурорын эсэргүүцлийн дагуу Төв аймаг дахь эрүүгийн хэргийн давж заалдах шатны шүүх хуралдаж шийдвэрээ гаргах юм. Одоогийн байдлаар шүүх хурлын тов хараахан гараагүй байна.