ЗАСГИЙН ГАЗРЫН ЗАРДЛААР ЭЛЭГ ШИЛЖҮҮЛЭН СУУЛГАХ МЭС ЗАСЛЫГ ХИЙДЭГ БОЛНО

Манай улс элэг шилжүүлэн суулгах мэс заслыг 85 сая төгрөгийн өртөгтэйгөөр хийдэг бөгөөд жилд 30 орчим хүн санхүүгийн болон донорын хүртээмжгүй байдлаас болж элэг шилжүүлэн суулгах мэс засалд орж чадахгүй хүлээгддэг байна. Засгийн газрын хуралдаанаар Эрүүл мэндийн сайдын санаачилсан "Эрхтэн шилжүүлэн суулгах /элэг, бөөр, ясны чөмөг/ мэс заслыг зардыг төрөөс хариуцуулах" асуудлыг баталсан. Үүний дагуу эхний хагалгаа тавдугаар сарын 12-нд болох бөгөөд төр зардлыг нь даах анхны элэг шилжүүлэн суулгах хагалгааг Орхон аймгийн иргэн Ш.Мөнхжаргалд хийхэр болжээ. Түүний донорын шинжилгээнд ураг төрлийн хүмүүс нь орсноос, зөвхөн нөхөр нь шинжилгээнд тэнцэж, нэг гэр бүлийн хоёр хамт хагалгаанд орох болсон байна.

Өнөөдрийн байдлаар элэгний хорт хавдар нас баралтын тэргүүлэх шалтгаан болж, нийт нас баралтын 15 хувийг эзэлж байна. Өөрөөр хэлбэл элэгний хорт хавдар, хатуурлын улмаас манай улсад жилд дунджаар 2600 хүн нас барж байгаа нь дэлхийн дунджаас зургаа дахин их гэсэн үг юм. Дэлхийн эрүүл мэндийн байгууллагатай хамтарч хийсэн түүвэр судалгаанаас үзвэл манай улсад хепатитийн В, С вирүсийн архаг халдвараар 400 мянга орчим хүн өвчилсөн ба үүнээс 30 мянга орчим нь элэгний хатууралтай байх магадлалтай гэсэн судалгаа бий.