Сонгинохайрхан дүүргийн Толгойтын Нарангийн голын эцэст таван ханатай гэр шатаж, гэрт байсан хоёр айлын 3-7 насны дөрвөн хүүхэд нас барсан харуусалт хэрэг гарлаа.
2020 оны 10 дугаар сарын 25-ны өдөр буюу өчигдөр 16 цагт Цагдаагийн байгууллагын 102 тусгай дугаарт гэр шатаж байна гэсэн дуудлага ирсэн байна. Энэ дагуу гал унтраах аврах анги очиход хүүхдүүд амьсгал хураасан байжээ.
Хүүхдүүдийн ээж ууланд самранд явсан, ингэхдээ хүнд харуулж үлдсэн. Хүүхдүүдийг харж үлдсэн иргэн хүргэлтийн үйлчилгээ хийхээр гарч, хүүхдүүдийг гаднаас цоожилсон аж. Энэ үед ийм золгүй хэрэг гарчээ.
Шатсан гэрийн буйрыг хайрга асгаж далдалсан байна.Тухайн гал гарсан хашаанд хоёр давхар саарал байшин байх бөгөөд гал гарах үед хашаа эзгүй байжээ.
Сэтгэгдэл (0)
Сэтгэгдэл бичигдээгүй байна