Сирийн Ардын зөвлөл Ерөнхийлөгчийн сонгууль болох огноог албан ёсоор зарласан байна. Ерөнхийлөгчийн сонгуульд нэр дэвшигчдийг дөрөвдүгээр сарын 19-ий өдрөөс бүртгэж эхлээд тавдугаар сарын 26-нд санал хураалт явуулахаар болсон байна.
Сонгуульд Сирийн нутагт байгаа бүх иргэд оролцох эрхтэй бол гадаадад байгаа Сирийн иргэд тавдугаар сарын 20-нд тухайн улс дах дипломат төлөөлөгчийн газарт ирж саналаа өгөх боломжтой гэжээ.
Гэвч АНУ, Их Британи, Герман, Итали, Франц гэсэн улсууд Сирийн Ерөнхийлөгчийн энэхүү сонгуулийг шударга ардчилсан байдлаар явагдах боломжгүй гэж үзээд үр дүнг нь хүлээн зөвшөөрөхгүй гэдгээ сарын өмнөөс урьдчилан мэдэгдээд байгаа юм байна. Өрнөдийн орнууд Башар Асад Ерөнхийлөгчөөр давтан сонгогдож болох ямар ч сонгуулийг хүлээн зөвшөөрөхгүй гэдгээ нэлээд эртнээс мэдэгдээд байгаа аж.
Сэтгэгдэл (0)
Сэтгэгдэл бичигдээгүй байна