НБА-н 2020-2021 оны бүсийн аваргын төлөөх цуврал эхэллээ. Өрнөд бүсийн аваргын төлөө шалгарсан Финикс Санс болон Лос-Анжелес Клипперс багуудын тоглолт өнөөдөр эхэлсэн. Хоёр багийн цувралын эхний тоглолтонд Финикс Санс 120-114 харьцаагаар Лос-Анжелес Клипперс багийг хожсон бөгөөд Финиксээс багийн залуу лидер Д.Бүкер талбайд 43.56 мин-г өнгөрүүлэхдээ 40 оноо, 13 самбар, 11 дамжуулалт өгч трипл-дабль хийсэн байна. Мөн тэрээр довтолгоогоо 52 хувьтай гүйцэтгэж багаа ялалтанд хөтөлсөн. Түүнд багийн хамтрагчдаас нь гараанд гарсан Д.Эйтон 20 оноо, М.Бриж 14 оноо, Ж.Краудер 13 оноо, К.Пэйн 11 оноогоор, сэлгээнээс К.Жонс 12 оноо авч тус хүргэсэн.
Харин тэдний өрсөлдөгч Клипперсээс П.Жорж 34 оноо, Р.Жэксон 24 оноо, сэлгээнээс Д.Каузинс 11 оноо авсан. Ийнхүү Пол Жоржгүй Финикс хүчтэй өрсөлдөгч Клипперсийг хожиж цувралыг тэргүүлж эхлэв. Клипперс багаас мөн багийн лидер К.Леонард бэртлийн улмаас тоглолтонд оролцоогүй.
Сэтгэгдэл (0)
Сэтгэгдэл бичигдээгүй байна